كبر دماغك
////////////
1- عشان ترتاح وتريح عقلك وفكرك كبر دماغك .
2- مشاكل كثير
في العمل وفي الحي وفي الحياة أوعى تشغلك عن مهمتك الرئسية هي عبادة ربنا فكبر
دماغك .
3-
ليه تنام زعلان وتضايق من أي حد زميل صديق أخ أخت جار حبيب كبر
دماغك.
4- أيام الدنيا
تمر عليك وانت زعلان قولي بقى أيه اللي استفدتوا من زعلك فلو سمحت كبر دماغك .
5- الدنيا
اتملت بحاجات وحشة وناس اوحش وتعاملات سيئة من الآخرين بقولك ايه انت هتعدل الكون
بس لصحتك وكبر دماغك .
6-أنت مش قادر تكبر أنت بتتأثر من
كلام الغير أنت إنسان وكل كلمة بتأثر فيك طب أخسر صحتك ومحدش هينفعك لصديق
ولا ابن ولا أي حد صحتك هي سندك فخاف عليها .
7- أهم حاجة ابتعد عن أي مشاكل لا تشغل بالك بكلام
الناس اللي مركزين على التشاؤم والكره والغل .
8- في ناس كثير هدفهم بس انهم يزعلوا الآخرين الناس دي
ولا تعبرهم وابتعد عنهم ولا تشغل بالك بهم .
9- عاوز تتعلم ازاي تكبر دماغك اسمع مني :-
* متكلمش كثير عن الظروف اللي الجميع بيمر بها الان فالله هو من بيده التغيير
للأحسن .
* لو أي شخص زعلك اوعى تتنرفز وتحرق دمك رد عليه بما يستحقه وانت هادي ووقفه
عند حده او ابتعد ومتقدروش .
* حاول أنك في بيتك تدخل السعادة على اولادك وزوجتك بالاخبار السارة والكلام
الطيب بعيد عن الصراخ والزعل .
* خلي حياتك كلها لربنا واحتسب كل كلمة تخرج منك عبادة لربنا حتى في ضحك.
10- الصحة غالية حافظ عليها النفسية الطيبة نعمة
من الله عش ونم في هدوووووووووووء كبر شوية .
بقلم الأستاذ سيد أحمد شبيب
تعليقات: 0
إرسال تعليق